Наманганда туман (шаҳар) адлия бўлимлари ташкил этилганлигининг бир йиллиги муносабати билан Open Justice — «Очиқ адлия» тадбирлари ўтказилди. Бу ҳақда «Дарё»га вилоят адлия бошқармаси ҳуқуқий тарғибот ва маърифат бўлими маълум қилди.
Тадбир аввалида бошқарма ва унинг тизимидаги идоралар томонидан 1 йил давомида амалга оширилган ишлар юзасидан брифинг ўтказилди.
Наманган вилоят ахборот ва оммавий коммуникациялар бошқармаси билан адлия органлари томонидан амалга оширилаётган ишларни кенг жамоатчиликка етказиш соҳасида ўзаро ҳамкорлик тўғрисида меморандум имзоланди.
Очиқ адлия куни тадбирлари доирасида Наманган шаҳридаги 26-сонли меҳрибонлик уйи тарбияланувчилари таклиф этилиб, бошқарма ва унинг бўлимлари фаолияти билан яқиндан таништирилди. Тарбияланувчиларга ҳуқуқий қўлланмалар совға қилинди.
Туман адлия бўлимлари, вилоятда фаолият кўрсатувчи давлат нотариал идоралари, Адвокатлар палатаси вилоят бошқармаси, нодавлат нотижорат ташкилотлар вакиллари иштирокида ҳуқуқий маслаҳат бурчаклари ташкил этилиб, фуқароларга турли мавзуларда ҳуқуқий тушунтиришлар берилди.
Қонун ҳужжатларининг мазмун-моҳияти акс этган турли мавзудаги 200 дан ортиқ буклет ва флаерлар тарқатилди.
Изоҳ (0)