Носир Хўжаев Халқ таълими вазирлиги ҳузуридаги мақсадли китоб жамғармаси ижрочи директори этиб тайинланди

Носир Хўжаев Халқ таълими вазирлиги ҳузуридаги бюджетдан ташқари Республика мақсадли китоб жамғармаси ижрочи директори этиб тайинланди. Бу ҳақда вазирлик ахборот хизмати хабар берди.

Жорий йил 22 февралида ҳукуматнинг Халқ таълими вазирлиги ҳузуридаги Халқ таълимини ривожлантириш жамғармаси ва бюджетдан ташқари Республика мақсадли китоб жамғармаси фаолиятини ташкил этиш тўғрисидаги қарори қабул қилинганди.

Жамғарманинг асосий вазифаси дарсликлар ва ўқув-методик мажмуалар билан таъминлашга қаратилган бюджет ва бюджетдан ташқари маблағлар, дарсликлар ва чет тиллари бўйича машқ дафтарларининг ижара тўловларини жамлаш ҳамда ушбу маблағлардан самарали фойдаланиш ҳисобланади.