8 апрелнинг эътиборга молик янгиликлари — «Дарё» дайжестида.
8 апрель куни соат 11:32 да Термизнинг «Дўстлик» маҳалласидаги Алишер Навоий кўчасида жойлашган кўп қаватли 10-уйнинг ертўласида портлаш юз берди. Оқибатда икки киши ҳалок бўлди.
Ҳалок бўлганлар — Термиз фуқароси Р.Абдураҳмонов (1958 йилда туғилган) ва Ангор тумани фуқароси Р.Имомалиев (1962 йилда туғилган).
Кейинроқ Бош прокуратура Термиздаги портлаш юзасидан ахборот берди.
***
Самарқанддаги «пахта иши»: Прокурор 8 йил қамоқ жазоси сўраган директорни судья нега озодликка чиқариб юборди?
Жиноят ишлари бўйича Самарқанд вилоят судининг 2018 йилнинг 25 октябрь куни бўлиб ўтган суд ҳукмининг баённомаси ва тергов ҳужжатларида 2017 йилнинг пахта ҳосили мавсумида «Янгиқўрғон пахта тозалаш» акциядорлик жамияти директори Тўхтамурод Элмуродов мансабдор шахс бўла туриб, ўз мансаб мавқеидан фойдаланиб, уни суистеъмол қилиш натижасида 2017 йилги пахта мавсуми давомида фермер хўжаликлари етиштирган пахта хом ашёсини ўзлаштириш ва растата йўли билан талон-тарож қилинганлиги қайд этилган.
***
Ўзбекистонда долларнинг расмий курси қарийб 31 сўмга қимматлашди.
2019 йилнинг 9 апрелидан:
1 АҚШ доллари — 8451.37 (+31.75) сўм.
1 евро - 9477.37 (+33.08) сўм.
1 Россия рубли 129,37 (+1,23) сўмни ташкил этди.
***
Ислом Каримов қайси китобларни севиб ўқиган?
Ўзбекистон Биринчи Президенти Ислом Каримовнинг рафиқаси Татьяна Каримова блогер Хушнудбек Худойбердиевга Ислом Каримовнинг севимли китоблари рўйхатини тақдим этди.
***
Ravon Россияда яна автомобиль сота бошлайди.
Ўзбекистон яқин орада Россияга Ravon русумидаги автомобилларни сотишни қайта йўлга қўяди. Биринчидан, 2019 йилнинг март ойида Росстандарт базасида Ravon R2 русумидаги транспорт воситаси маъқуллангани билан боғлиқ маълумот пайдо бўлган, иккинчидан, Беларусда бундай савдолар аллақачон бошланган.
Изоҳ (0)