6 апрель, шанба куни Испания чемпионатининг 31-турида «Барселона» «Атлетико Мадрид»ни мағлубиятга учратди (2:0).
Бу мазкур ўйинда каталонияликлар сафида гол урган Лионель Месси учун Ла Лигадаги 335-ғалаба бўлди.
Аргентиналик ушбу кўрсаткичда «Реал» собиқ дарвозабони Икер Касильясдан (334 та ғалаба) ўзиб кетди ва рекордни янгилади.
Эслатиб ўтамиз, Месси жорий мавсум Ла Лига доирасида 29 та учрашувда майдонга тушиб, 33 та гол урди ва 14 та голга ассистентлик қилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)