Австрия пойтахти Венада 5 апрель куни автоном аэротаксининг биринчи синови бўлиб ўтди, деб хабар берди «Корреспондент.net».
Бортида йўловчилар бўлган EHang 216 аэромобили Вена марказидаги футбол стадионида бир қатор қўниш ва учишларни муваффақиятли якунлаган.
«2025 йилга келиб Австрияда ҳаво таксилари учиши жуда ҳам реал воқеадек кўринмоқда», — деб айтган тақдимот маросимида Австрия транспорт вазири Норберт Гофер.
EHang 216 аэромобили ён томонида саккизта винтли электр узатмали дрон бўлиб, юқорисида, корпуснинг марказий қисмида йўловчилар кабинаси жойлашган.
Хабарда айтилишича, Австриянинг Austro Control фуқаролик авиацияси бошқармаси ва Европа авиация хавфсизлиги агентлиги (EASA) ҳаво кемасини сертификатлаш ва бундай рейсларни зарурий ҳуқуқий тартибга солишни йўлга қўйиш бўйича ишлар амалга оширилмоқда.
EHang 216 аэротаксининг максимал тезлиги соатига 160 километр бўлиб, икки йўловчи ва бир неча юкларни 80 километр масофага олиб бориши мумкин.
Қайд этилишича, 2019 йилнинг иккинчи ярмида Австрияда ҳаво таксисининг биринчи сериясини ишлаб чиқариш бошланади. Унинг тахминий нархи 300 минг еврони ташкил этади.
Изоҳ (0)