Таиланд шимоли-шарқидаги миллий боғ ходимлари ботқоқликка тушиб қолган олтита фил болаларини қутқарди. Бу ҳақда Associated Press хабар берди.
Кузатувчилар лойқа сувга чўкиб кетаётган филларни 26 март куни кўриб қолган. Уларнинг бир нечтаси филлар билан қолган, қолганлари қутқариш учун керакли нарсаларни олиб келиш учун кетган.
Эртаси куни боғ ходимлари ускуналар билан келган. Улар мотига ва даста ёрдамида ботқоқликнинг бир четида чиқиб кетиш учун тепалик ҳосил қилиш учун тўрт соат вақт сарфлаган.
Тепалик тайёр бўлгач, филлар ботқоқдан чиқиб, ўрмонга қочиб кетган. Фақатгина битта фил боласи ботқоқ олдида ушланиб қолган. У одамларга ўгирилиб, бироз қараб турган, кейин у ҳам ўрмонга кириб кетган.
Изоҳ (0)