Россия Тергов қўмитаси 2017 йил 3 апрелида содир этилган теракни амалга оширишда гумон қилинаётган Акбаржон Жалиловнинг метрога киришига тўсқинлик қилмаган Санкт-Петербург метросининг транспорт хавфсизлиги инспектори Константин Ипполитовга нисбатан очилган жиноят ишини бекор қилди. Бу ҳақда Meduza хабар берди.
Ипполитов 2017 йил 3 апрелда террорист метрога кирган «Академическая» метро станциясида инспекторлар алмашинувини назорат қилган.
Хабарда қайд этилишича, терговчилар Ипполитов инспекторлар алмашувини ташкиллаштирмаганини таъкидлаган. Хусусан, у касал бўлиб қолган ходим ўрнига текширув қурилмасидан фойдаланиш ҳуқуқига эга бўлмаган икки нафар стажёрни қўйган ва ўзи ҳам текширувда иштирок этмаган.
2 апрель куни Санкт-Петербург суди метрода содир бўлга теракт ишини кўриб чиқишни бошлади. Жиноий иш бўйича айбланувчи сифатида 11 киши жалб қилинган, уларнинг барчаси ўзининг айбсизлигини таъкидламоқда.
Изоҳ (0)