4—5 апрель кунлари Тошкентда Мудофаа вазирлиги ташаббуси билан «Биз сен билан, болажон!» шиори остида донорлик ташаббуси ўтказилди. Бу ҳақда Мудофаа вазирлиги матбуот хизмати хабар берди.
Мазкур акция тиббий-ижтимоий кўмакка муҳтож болаларни ҳар томонлама қўллаб-қувватлаш, беғараз ёрдам муҳитини кучайтириш ва фуқароларни кўнгилли равишда қон топширишга чақириш орқали бемор болалар ҳаётини сақлаб қолишга қаратилган.
Икки кун давом этган акция доирасида юзлаб ҳарбий хизматчилар ўз хоҳиши билан оққон касаллигига чалинган бемор болалар учун донорлик қонини топширган.
Изоҳ (0)