Ички ишлар вазирлиги Транспортда хавфсизликни таъминлаш бош бошқармаси ва «Ўзбекистон темир йўллари» томонидан ўтказилган «Темир йўлларда хавфсиз кун» тарғибот тадбирида «Афросиёб» тезюрар поездини бир дона ойнаси 2 минг долларга тенг экани айтилди. Бу ҳақда «Дарё» мухбири хабар бермоқда.
«Баъзан поезд ойналарига фуқаролар, айниқса, вояга етмаган ёшлар томонидан тош отиш ҳолатлари учраб турибди. Испаниядан келтирилган ‘Афросиёб’ тезюрар поездининг бир дона ойнаси 2 минг долларига тенг. Афсуски, бундай турдаги ойна ўзимизда ишлаб чиқарилмайди. Энг ёмони, ойна синиши натижасида йўловчиларга тан жароҳати етиши мумкин. Бу ҳақда мактаб, коллеж ўқувчиларига кенгроқ тушунтириш бермоқдамиз», — дейди ҳуқуқбузарликлар профилактикаси инспектори, капитан Алишер Исоқов.
Капитан Алишер Исоқовнинг қўшимча қилишича, темирйўллар атрофида ўрнатилган видео кузатув камераларининг иш фаолияти узлуксиз равишда ишлаши назорат остига олинган. Темир йўл билан боғлиқ ҳолатлар марказлашган тартибда кузатиб турилади.
Изоҳ (0)