БМТ Бош котибининг ҳисоботига кўра, 2019 йилда Ер аҳолиси 7,7 миллиард кишини ташкил қилади ва 2050 йилга бориб 9,7 миллиард кишига етади, дея хабар беради «Интерфакс».
Нью-Йоркдаги БМТ марказида бошланган аҳолишунослик бўйича комиссияга тақдим этилган ҳисоботга кўра, аҳоли сонининг ўсиши, қариш, камайиб бораётган туғилиш ва тезкор урбанизация билан кузатилади.
Ҳозирда дунёда ўртача туғилиш даражаси аёл бошига 2,5 бола, 2030 йилга келиб аёл бошига ўртача 2,4 болага тўғри келади.
Прогнозларга кўра, 2050 йилда дунё аҳолисининг 70% дан ортиғи туғилишнинг умумий даражаси аҳоли сонини кўпайтириш зарур бўлган мамлакатларда яшайди.
65 ва ундан катта ёшдаги аҳолининг умумий аҳоли сонидаги улуши ортиб бормоқда.
Ҳозир улар Европада 19%, Шимолий Америкада 16%, 2050 йилга бориб бу кўрсаткич мос равишда 28% ва 23% гача ортади. Ушбу даврда Осиё, Лотин Америкасида ва Кариб денгизида кексаларнинг улуши 8% дан 18% гача ошиши кутилмоқда. Бугунги кунда энг ёш аҳолига эга бўлган Африкада, 2050 йилга келиб, қариялар улуши 9 фоизни ташкил этади.
Айни кунда жаҳон аҳолисининг тахминан 56 фоизи шаҳарларда яшайди. Келажакда аҳолининг ўсиши 2030 йилда дунё аҳолисининг 60 фоизини, 2050 йилга бориб қарийб 68 фоизни ташкил этадиган шаҳар аҳолиси сонининг кўпайиши ҳисобидан юз беради.
Сўнгги 25 йил мобайнида бутун дунё бўйлаб аҳоли фаровонлиги сезиларли даражада ошди. Камбағаллик даражаси паст бўлган аҳоли сони сезиларли даражада пасайган, оналар ўлими 40% га қисқарган, умр кўриш давомийлиги сезиларли даражада ошган.
1994 ва 2019 йиллар орасида беш ёшгача бўлган болалар ўлими 54% га камайди.
Дунё бўйлаб умр кўриш давомийлиги 1994 йилда 64,9 ёшдан 2019 йилгача 72,3 йилгача ошди ва 2030 йилга келиб яна 2 йилга кўпаяди.
Изоҳ (0)