Ленинград округ ҳарбий судида Санкт-Петербург метросида 2017 йил апрелида 15 кишининг ўлимига сабаб бўлган терактни амалга оширишда гумон қилинган шахсларга нисбатан жиноий ишни кўриб чиқиш бошланди. Бу ҳақда Sputnik хабар бермоқда.
Йиғилиш давомида айблов хулосаси ўқиб эшиттирилганидан сўнг барча судланувчилар айбларини тан олмасликларини билдирди.
Суд бошлангунга қадар айбланувчилардан бири Шоҳиста Каримова журналистларга бу иш уюштирилгани, сумкасига граната солиб қўйилганини айтган.
Эслатиб ўтамиз, Санкт-Петербург метросидаги теракт иши бўйича жами 11 киши — Аброр ва Акрам Азимовлар, Сайфулла Ҳакимов, Дилмурод Муйдинов, Содиқ Ортиқов, Аъзамжон Маҳмудов, Maxамадюсуф Мирзаолимов, Баҳром Эргашев, Иброҳим Эрматов, Шоҳиста Каримова, Муҳамадюсуф Эрматов ҳибсга олинган.
Изоҳ (0)