Ўзбекистонда 2020—2021-ўқув йилидан бошлаб пилот лойиҳаси сифатида 1-11-синфлар учун чет тиллари фанларидан илғор хорижий дарсликларни жорий этиш режалаштирилган. Бу ҳақда Халқ таълими вазирлиги маълум қилди.
Шу мақсадда Германиянинг хориждаги мактаблар марказий бошқармаси (ZFA) билан ҳамкорликда Республика таълим марказида Германиянинг «Клетт» нашриёти томонидан яратилган немис тили дарсликларининг муҳокамаси бўлиб ўтди. Шунингдек, мазкур дарсликларни умумтаълим мактабларида тажриба-синовдан ўтказишга бағишланган семинар ташкил этилди.
Семинар мобайнида «Клетт» нашриёти томонидан яратилган дарслик мажмуалари таҳлил қилинди.
Мазкур дарслик мажмуалари Тошкент шаҳридаги 60-сонли, Самарқанд вилоятидаги 51-сонли ҳамда Фарғона вилоятидаги 10-сонли немис тилига ихтисослаштирилган давлат умумтаълим мактабларида 2018—2019-ўқув йилининг 4-чораги давомида тажриба-синовдан ўтказилиши режага киритилди.
Изоҳ (0)