Тошкентнинг Мирзо Улуғбек туманидаги «Алишер Навоий» номли маҳаллада Мудофаа вазирлиги спорт клуби томонидан қурилган кичик спорт майдончаси фойдаланишга топширилди. Бу ҳақда вазирлик матбуот хизмати «Дарё»га хабар берди.
Тантанли тадбирда Мудофаа вазирлиги масъул офицерлари, туман хокимлиги вакиллари иштирок этди.
«Ушбу спорт майдончаси маҳалламиз учун ажойиб совға бўлди. Ёшлармизнинг баркамол ва бақувват бўлиб вояга етишида спортнинг ўрни беқиёс. Мана, эндиликда маҳалла ҳудудидан жой олган қулай ва замонавий спорт майдончасида ўғил-қизларимиз истаганча шуғулланишлари, чиниқишлари мумкин. Бу ерда турли мусобақалар ҳам ўтказиш имкони бор. Ҳаммага катта раҳмат», – дейди фуқаро Музаямхон Фармонова.
«Туманимиздаги навбатдаги объект ҳам фойдаланишга топширилди. Яқиндагина ‘Баҳор’ номли маҳаллада ҳарбийларимиз томонидан барпо этилган спорт майдончасини очгандик. Ҳали кўплаб маҳаллаларда бундай тадбирлар ўтказилиши режалаштирилган», – дейди Мирзо Улуғбек тумани хокимияти спорт ва жисмоний тарбия бўлими бошлиғи Бахтиёр Йўлдошев.
Изоҳ (0)