Бугун, 22 март куни Покистоннинг Карачи шаҳрида таниқли уламо, муфтий Муҳаммад Тақий Усмонийга суиқасд уюштирилди. Бу ҳақда маҳаллий ОАВларга таяниб, «Azon.uz» хабар бермоқда.
Номаълум шахслар ҳазрат муфтий ва у кишининг тансоқчилари кетаётган автомобилларга қарата ўт очган. Ҳужум натижасида икки тансоқчи вафот этган, яна бир киши – Мавлоно Амир оғир яралангани айтилмоқда. Муфтийнинг ўзи ва машинада бирга кетаётган набираси жароҳатланмаган. Муфтийнинг аёли яралангани ҳақидаги хабар текширилмоқда.
Муҳаммад Тақий Усмоний 1943 йилда Ҳиндистоннинг Девбанд шаҳрида таваллуд топган, Карачи шаҳридаги Дорил Улум Ислом университети проректор бўлиб ишлаб келмоқда. Дунёнинг энг нуфузли 500 мусулмонлари рўйхатига киритилган.
Муфтий жорий йилнинг 7—13 апрель кунлари Москвадаги Олий иқтисодиёт мактабида Ислом иқтисодига бағишланган халқаро конференцияда иштирок этиши режалаштирилган.
Изоҳ (0)