Гана ғарбида иккита автобус рўпарадан тўқнашиб кетиши оқибатида 70 дан ортиқ йўловчи ҳалок бўлди, деб ёзади «Корреспондент.net». Ҳодиса Шимолий Кинтампо округида 22 март, жума куни эрталаб юз берган.

Тўқнашувдан кейин автобуслардан бири ёниб кетган, барча йўловчилар воқеа жойида вафот этган. Иккинчи автобус йўл четидаги ариққа ағдарилиб кетган. Унинг баъзи йўловчилари омон қолган. Жабрланганлар маҳаллий касалхонага етказилган.

ЙТҲга автобуслардан бирининг ҳайдовчиси рулда ухлаб қолиб, қарама-қарши йўналишга чиқиб кетгани сабаб бўлган, деб тахмин қилинмоқда.

Айни пайтда автоҳалокат юзасидан текширув олиб борилмоқда.