НАТО Россия яриморолни қўшиб олишининг беш йиллиги муносабати билан Россияни Қримни Украинага қайтаришга чақирди, деб хабар беради «Газета.ru».
НАТО Қримнинг қўшиб олинишини «халқаро ҳуқуқларнинг жиддий бузилиши» ва «Евро-Атлантика хавфсизлиги»га таҳдид деб ҳисоблайди. Баёнот муаллифлари НАТОнинг Қримнинг Россияга қўшилишини тан олмаслигини таъкидлади. «Биз Россияни Қримни Украинага қайтаришга чақирамиз», — дейилади альянс баёнотида.
Аввалроқ Bloomberg агентлиги «Россия беш йил ўтиб бадал тўламоқда» деб ёзган эди.
2014 йил март ойида Қримдаги референдум якунларига кўра, яриморол Россиянинг ҳудудий қисмига айланган ва Севастополь федерал аҳамиятга эга шаҳарга айлантирилган. Украина ва кўпгина Ғарб давлатлари референдум натижаларини тан олмаяпти.
Изоҳ (0)