Skytrax авиация хизматини баҳолаш халқаро ташкилоти мутахассислари дунёнинг 30 та энг тоза авиакомпаниялари рейтингини тузди, деб ёзади «Корреспондент.net».
Рўйхатда биринчиликни Япониянинг All Nippon Airways компанияси эгаллади. Бу ҳақда компаниянинг расмий сайтида маълум қилинган.
Тайваннинг EVA Air компанияси иккинчи, Кореянинг Asiana Airlines компанияси эса учинчи ўринни эгаллади.
Биринчи ўнталикка Сингапур ҳаво йўллари, Япония ҳаво йўллари, Cathay Pacific Airways, Qatar Airways, Swiss International Air Lines, Hainan Airlines ва Lufthansa киради.
Рейтингни тузишда мутахассислар авиакомпанияларни бир қатор мезонлар, шу жумладан, ҳожатхона, стол ва ўриндиқлар, гилам ҳамда юкхона жавонлари тозалиги бўйича баҳолаган.
Изоҳ (0)