16 март, шанба куни Алишер Навоий номидаги Тошкент давлат ўзбек тили ва адабиёти университетида Ўзбекистон Республикаси Мудофаа вазирлиги тизимидаги тарбиявий ва мафкуравий ишлар бўйича орган офицерларининг малака ошириш курслари битирувчиларига сертификатлар топширилди, деб хабар беради университет матбуот хизмати.
Мазкур малака ошириш курслари фаолиятини самарали ташкил қилиш мақсадида республикадаги етакчи мутахассислар жалб қилинган.
Тингловчилар икки ҳафта мобайнида сиёсацҳунослик ва мафкуравий тарғибот, ўзбек давлатчилиги ва ҳарбий санъати тарихи, адабиёт ва инсон камолоти, амалий психология, социология, касб этикаси ва этикет каби модуллар бўйича малака ошириш курсларидан ўтган.
Малака ошириш курсида таҳсил олиб, якуний давлат аттестациясидан муваффақиятли ўтган 25 нафар офицерга малака сертификатлари топширилган. Курсни муваффақиятли якунлаган офицерлар ўз хизмат вазифаларини ўташ жойларига кузатилган.
Маълумот учун, Ўзбекистон Республикаси Қуролли кучлари тизимида маънавий-маърифий ишлар самарадорлигини янада такомиллаштириш, ҳарбий хизматчиларнинг ижтимоий-сиёсий ўзгаришлар билан уйғун равишда билимларини ошириб боришнинг замонавий усулларини жорий этиш, шунингдек, ички ва ташқи таҳдидларга қарши мафкуравий иммунитети шаклланган, бурчига садоқатли, юқори профессионал ҳарбий хизматчиларни тайёрлаш мақсадида мазкур курслар олиб борилмоқда, дейилади хабарда.
Изоҳ (0)