15 март куни Андижон тумани «Нухатак» маҳалла фуқаролар йиғиин Дум кўчасида жойлашган уйда газ портлаши юз берди, дея хабар бермоқда ИИВ.
Уйда фуқаро С.К. ва унинг рафиқаси Н.Н. электр чироғини ёққан вақтда газ плитасидан сизиб чиқиб, хонага йиғилиб қолган газ ва ҳаво аралашмасидан чақнаш содир бўлган.
«Натижада С.К. ва Н.Н.лар куйиш жароҳатлари билан касалхонага ётқизилган. Суриштирув ишлари олиб борилмоқда», — дейилади ИИВ Жамоатчилик ва ОАВ билан алоқалар бошқармаси ахборотида.
Изоҳ (0)