14 март куни Ўзбекистоннинг Кувайтдаги элчиси Баҳром Аълоев Қувайт араб иқтисодий ривожланиш фонди (КAIRФ)нинг Марказий Осиё ва Европа бўйича минтақавий менежери Фаваз ал-Адсаний билан учрашди. Бу ҳақда ТИВ матбуот хизмати хабар берди.
Суҳбат чоғида Ўзбекистон ва КAIRФ ўртасидаги молиявий-техник ҳамкорликни янада ривожлантириш масаласи муҳокама қилинди.
Фаваз ал-Адсани таъкидлашича, 2019 йил 10 мартдаги 2017—2019 йиллар учун имтиёзли кредит ажратиш тўғрисидаги Ўзбекистон ҳукумати ва КAIRФ ўртасидаги ўзаро англашинув меморандумига кўра, Фонд раҳбарлари кенгаши 30 миллион доллар миқдорида иккинчи имтиёзли кредитлар берилишини тасдиқлади.
Ушбу маблағлар Ўзбекистонда қишлоқ жойларда якка тартибдаги уй-жой қуриш Дастурига киритилган инфратузилма лойиҳаларини молиялаштириш учун сарфланади.
Музокаралар якунида Ўзбекистон ҳукумати ва КAIRФ ўртасидаги 2020—2022 йилларда мамлакатдаги ижтимоий лойиҳаларни молиялаш учун имтиёзли кредитлар бериш бўйича навбатдаги меморандумни ҳамкорликда тайёрлашга келишилган.
Ҳозирда Кувайт жамғармаси мутахассисларининг жорий йилнинг иккинчи ярмида имзоланиши режалаштирилган кредит битимини тайёрлаш учун Ўзбекистонга ташриф буюриши кутилмоқда.
Изоҳ (0)