Мудофаа вазирлиги ташаббуси билан пойтахтимизнинг Мирзо Улуғбек тумани ўқувчи ёшлари ўртасида ҳарбий саф қўшиқлари танлови ўтказилмоқда. Бу ҳақда вазирлик матбуот хизмати «Дарё»га маълум қилди.
Танловга 15 март куни старт берилган бўлиб, ғолиб жамоа 15 апрель куни аниқланади.
Таъкидлаш керакки, Мирзо Улуғбек тумани аҳолиси ўртасида жиноятчиликни барвақт олдини олиш, жамоат хавфсизлигини таъминлаш самарадорлигини янада ошириш ҳамда ёшларни ватанпарварлик руҳида тарбиялаш бўйича ташқивот ва тарғибот гуруҳлари тузилган. Мазкур гуруҳларда Мудофаа вазирлиги ҳарбий хизматчилари ҳам фаол иштирок этмоқда.
«Туманда 4 та сектор мавжуд бўлиб, саф қўшиқлари акциясида ҳар бир сектордан 2 тадан жамоа иштирок этади. Ҳакамлар ҳайъати томонидан ғолиб дея топилган жамоа Мудофаа вазирлиги томонидан муносиб тақдирланади», — дейилади хабарда.
Изоҳ (0)