Россиялик ҳарбийлар ядровий қуроллардан фойдаланиш имкониятини кўриб чиқмоқда, деб хабар берди ForumDaily.
Бу ҳақда АҚШ Қуролли кучлар бўйича вакиллар палатасига НАТО бирлашган қуролли кучларининг Европадаги бош қўмондони генерал Кёртис Скапаротти маълум қилган.
Пентагоннинг фикрича, Россия чегараланган ҳарбий зиддиятларда АҚШ қўшинлари аралашмасидан олдин «заиф қўшнилар устидан тезроқ ғалаба қозониш» мақсадида ядро қуролидан фойдаланиши мумкин.
«Россиянинг эскалация (кучайиш)сидан мақсад устунликка эришишдир. Агар уларнинг бугунги кундаги қуролланиш тизимига эътибор берсангиз, улардан қандай қилиб айнан шу мақсадда маълум бир эскалацияда фойдаланиш мумкинлигини кўрасиз. Менимча, улар ҳақиқатан ҳам шу мақсадда ишлаб чиқилган», — деб таъкидлаган генерал.
Скапароттининг сўзларига кўра, Россия икки минглаб ностратегик ядро қуроллари тизими Москвага улардан биринчи бўлиб чекланган ҳолда фойдаланиш, инқироз ва нисбатан паст даражадаги зиддиятларда Россияга устунлик беради, деган янглиш фикрни қўллаб-қувватлайди.
АҚШ Мудофаа вазирилигининг халқаро хавфсизлик бўйича бошқарма бошлиғи ўринбосари Кэтрин Уилбаржер ҳам унинг фикрига қўшилган.
Уилбаржернинг таъкидлашича, агар ҳақиқатан ҳам шундай бўлиб чиқса, АҚШ зиддиятни эскалация қилишда иштирок этишига тўғри келади.
Аввалроқ, Россиянинг АҚШдаги элчиси Анатолий Антонов Москва маҳаллий можароларни бостиришда ядро қуролидан фойдаланмаслигини, улардан мамлакатга жиддий таҳдид бўлган тақдирдагини фойдаланилишини айтган.
«Бизнинг ҳарбий доктаринамизда қандай ҳолатларда ядро қуролидан фойдаланилиши қатъий белгилаб қўйилган», — деган у.
Изоҳ (0)