Янги Зеландиянинг Крайстчерч шаҳридаги икки масжидда уюштирилган отишмада камида 27 киши ҳалок бўлди. Бу ҳақда «ТАСС» хабар берди.
Қуролланган кишилар шаҳардаги «Ан-Нур» ва «Линвуд» масжидларига жума номозидан сўнг кириб борган. Шундан сўнг чиқиш эшикларини ёпиб, номозхонларга қарата ўт очган. Бу пайт масжидларда тегишли равишда 200 ва 300 киши бўлган.
Шаҳар касалхоналарига камида 30 киши етказилгани билдирилмоқда.
Маҳаллий полиция ҳужум қилганлардан бири қўлга олинганини маълум қилди. Шаҳар аҳолисидан уйларини тарк этмаслик сўралган, мактаблардаги машғулотлар бекор қилинган.
Изоҳ (0)