Qashqadaryo viloyatining Chiroqchi tumanida tug‘ilgan Shavkat, Mirziyo va Miromonlarning otasi Sherzod Do‘stmurodovga Prezident sovg‘asi — Spark mashinasi sovg‘a qilindi. Bu haqda “Daryo”ga viloyat hokimi o‘rinbosari Maqsuda Mustafoyeva ma’lum qilmoqda.
Maqsuda Mustafoyevaga ko‘ra, Prezident sovg‘asini bugun, 4-mart kuni viloyat hokimligi vakillari va tuman hokimi Rustam Jo‘raqobilovlar tantanali ravishda topshirgan.
“To‘g‘risi bu men uchun qo‘shaloq bayram bo‘ldi, — deydi egizaklarning otasi Sherzod Do‘stmurodov. – Bugun xonadonimizda to‘y. Bizdek yosh oilalarni qo‘llab-quvvatlayotgani uchun Prezidentimizga o‘z minnatdorchiligimni bildiraman. Viloyat hokimimiz Zafar Ro‘ziyevga ham rahmat. Nasib etsa farzandlarim el koriga yaraydigan insonlar bo‘lib yetishadi”.
Chiroqchi tumanidagi tarix fani o‘qituvchisi Sherzod Do‘stumrodov xonadonida 3 egizak joriy yil 21-yanvar kuni dunyoga kelgan edi.
Izoh (0)