Нукусдаги Савицкий номли санъат музейи директори лавозимига халқаро танлов эълон қилинди.
Бу лавозимга даъвогар номзодга қўйиладиган асосий талаблар санъат тарихи, музей иши, археология ва антропология ёки бошқа тегишли соҳадаги илмий даража, музей, галерея ёки бошқа маданият муассасасида камида 4 йил раҳбарлик лавозимларида фаолият юритганлик, инглиз тилини эркин даражада билишдан иборат.
Даъвогарлар жорий йил 25 апрелга қадар резюмеларини Маданият ва санъатни ривожлантириш жамғармасига юбориши мумкин. Бошланғич босқичдан ўтган номзодлар 13 майга қадар бу ҳақда хабардор қилинади. Юзма-юз суҳбатлар Нукусда 20 майдан бошлаб бир ҳафта давомида бўлиб ўтади.
Танлов ғолиби 2019 йил 1 июнь куни эълон қилинади. У билан уч йиллик шартнома тузилади.
Изоҳ (0)