24 февраль, якшанба куни футбол бўйича Германия чемпионатининг 23-тури доирасида 2 та беллашув ўз ниҳоясига етди.
Куннинг дастлабки ўйинида «Айнтрахт Ф» сафарда «Ҳанновер» билан баҳсга киришди.
Учрашувда Анте Ребич (54), Лука Йович (64), Филип Костич (90) нинг киритган голлари меҳмон жамоага ғалаба келтирди (3:0).
Навбатдаги учрашувда мусобақа жадвалида пешқадамлик қилаётган Дортмунднинг «Боруссия» клуби ўз майдонида «Байер Леверкузен»ни синовдан ўтказди.
Ўйиннинг 30-дақиқасида Ден Аксел Загаду ҳисобни очган бўлса, Кевин Фолланд ҳисобни тенглаштирди (1:1). Орадан бир дақиқа ўтиб биринчи голга ассистентлик қилган Жейдон Санчо ўз номига битта гол ёздириб қўйди (2:1).
2-бўлимнинг 60-дақиқасига келиб Марио Гётце жамоасининг 3-голига муаллифлик қилди. 75-дақиқада эса меҳмон жамоа аъзоси Жонатан Та ҳисобни қисқартирди (3:2).
Шу тариқа Люсен Фавр шогирдлари қийин кечган ўйинда «Байер Леверкузен» клубини кичик ҳисобда мағлубиятга учратди (3:2) ва муҳим 3 очкога эга бўлди.
23-тур баҳслари
24 февраль, якшанба
«Ҳанновер»—«Айнтрахт Ф» 0:3
Голлар: 0:1 — 54 Ребич, 0:2 — 64 Йович, 0:3 — 90 Костич«Боруссия Д»—«Байер Леверкузен» 3:2
Голлар: 1:0 — 30 Загаду, 1:1 — 37 Фолланд, 2:1 — 38 Санчо, 3:1 — 60 Гёце, 3:2 — 75 Жонатан Та.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)