Ўзбекистонда чўлланишга қарши курашиш бўйича президент қарори имзоланди

Ўзбекистон Республикасида чўлланиш ва қурғоқчиликка қарши курашиш бўйича ишлар самарадорлигини ошириш чора-тадбирлари тўғрисида Президент қарори қабул қилинди, деб хабар берди «Ҳуқуқий ахборот».

Қарор билан Ўрмон хўжалиги давлат қўмитасига қуйидаги қўшимча функциялар юкланди:

• Республикада чўлланишнинг олдини олиш, ўрмонларни қайта тиклаш ва иҳота ўрмонларини кўпайтириш чора-тадбирларини амалга ошириш;
• Ўзбекистоннинг чўлланиш ва қурғоқчиликка қарши курашиш бўйича халқаро мажбуриятларини бажариш;
• Чўлланиш ва қурғоқчиликка қарши курашиш бўйича халқаро ва минтақавий ташкилотлар билан ҳамкорлик қилиш;
• Республикада чўлланиш ва қурғоқчиликка қарши курашиш бўйича дастур ва лойиҳаларни ишлаб чиқиш ва амалга оширишда иштирок этадиган ташкилотлар ишларини мувофиқлаштириш;
• Қаттиқ қурғоқчиликни бошдан кечираётган ва (ёки) чўлга айланиб бораётган мамлакатларда, айниқса Африкада чўлга айланиб боришларга қарши кураш бўйича БМТ Конвенцияси талабларини бажаришда Ўзбекистоннинг миллий ваколатли органи вазифасини амалга ошириш.