Бекободда ўзини туман газ филиали ходимлари сифатида таништирган шахслар аёлга куч ишлатиб, пул талаб қилди

2019 йил 22 февраль икки номаълум шахс Тошкент вилоятининг Бекобод туманида яшовчи М.Х. исмли аёлнинг уйига ўзларини туман газ филиали ходимлари сифатида таништириб кирди. Бу ҳақда ИИВ жамоатчилик ва ОАВ билан алоқалар бошқармаси хабар берди.

Улар куч ишлатиб, аёлдан пул талаб қилган. Уйда пул йўқлигини билишгандан сўнг эса воқеа жойидан яширинган.

Кўрилган чоралар натижасида ушбу жиноятни Бекобод шаҳрида яшовчи Л.Т. ва Ангрен шаҳрида яшовчи Ш.Р. содир этганлиги аниқланиб, ушланган.

Ҳолат юзасидан жиноят иши қўзғатилиб, тергов ҳаракатлари олиб борилмоқда.