20 февраль куни кечки соат 20:10 ларда Ички ишлар вазирлиги Ўз хавфсизлиги бошқармаси Қашқадарё вилояти бўйича бўлими, Иқтисодий жиноятларга қарши курашиш Департаментининг Китоб тумани бўлими, Китоб тумани прокуратураси ҳамда вилоят ИИБ ЖҚБ ходимлари ҳамкорлигида ўтказилган тезкор тадбирда китоблик фуқаро Ҳ.Р. профилактика инспектори майор Ғайрат Нарзуллаевга 2 миллион 453 минг сўм пулларни пора тариқасида бераётган вақтида ушланган. Бу ҳақда «Дарё»га Қашқадарё вилоят ИИБ матбуот хизмати хабар бермоқда.
Матбуот хизмати хабарига кўра, 20 февраль куни Китоб тумани ИИБ профилактика катта инспектори майор Ғайрат Нарзуллаев туман ИИБ бошлиғи номига билдирги билан мурожаат қилган. Bildиргида ёзилишича, 19 февраль куни Китоб тумани, Обиканда МФЙ, Ишқол қишлоғида яшовчи фуқаро А.Б.нинг яшаш уйида қимор ўйинлари бўлаётганлиги аниқланиб, тегишли тартибда расмийлаштирган. Қимор ўйини иштирокчиси, 1963 йилда туғилган Туюл қишлоғида яшовчи Ҳ.Р. мазкур ҳолат бўйича қонуний чора кўрмаслик ва ашёвий далил сифатида тегишли тартибда расмийлаштириб олинган 440 доллар миқдоридаги пулларни қайтариб бериш эвазига профилактика инспекторига 3 миллион сўм пулларни пора сифатида таклиф қилаётганлигини маълум бўлган.
Мазкур ҳолат бўйича майор Ғайрат Нарзуллаев томонидан фуқаро Ҳ.Р. билан ўрталарида бўлиб ўтган суҳбат жараёни ҳужжатлаштирилган ва ушбу ҳолат тегишли тартибда процессуал расмийлаштирилган.
Айни пайтда ҳолат юзасидан Иқтисодий жиноятларга қарши курашиш Департаментининг Китоб тумани бўлими томонидан терговга қадар текширув ҳаракатлари олиб борилмоқда.
Изоҳ (0)