Самарқандлик тажрибали хаттот Жамил Эргашев бундан уч йил олдин «Садқаи жория»га қўл урган эди, деб ёзади «Халқ сўзи Online».
У Қуръони Каримни Самарқанд қоғозига ёзишга киришган эди. Бугунги кунда қадар ушбу муқаддас китобнинг 25 беш пораси битиб бўлинди. Ҳунарманд қолган 5 порасини Мустақиллик байрамигача ёзиб тугатишни ният қилган.
«Бугунги кунда бутун дунёда Қуръони Карим насх хатида ёзилади. Биз ҳажман нисбатан катта ва мураккаб бўлган сулс хатида ёзяпмиз. Сабаби, Қуръони Карим нусхасининг катталиги юртимизда сақланаётган Усмон Мусхафи билан бир хил бўлади. Унинг бир саҳифасини ёзишга ўртача 3-4 кун вақт керак бўляпти», —дейди хаттот.
Ушбу Қуръони Каримнинг ёзиб бўлинган қисми Бухорода бўлиб ўтаётган I Халқаро зиёрат туризми форумида нуфузли тадбир иштирокчилари эътиборига ҳавола этилди.
Изоҳ (0)