Украина хавфсизлик хизмати 2014 йилда MH17’ни уриб туширган «Бук» зенит ракета тизимини Россиядан Донбассга олиб ўтишда иштирок этган Бош разведка бошқармаси (ГРУ) офицери Олег Иванниковга қидирув эълон қилди. Бу ҳақда «Коммерсантъ» хабар берди.
Қайд этилишича, эркак Украинага қарши «тажовузкор уруш олиб бориш» ва террористик ташкилот ташкил ёки унда иштирок этишда гумонланмоқда.
Авиаҳалокат 2014 йилнинг 17 июль куни содир бўлган. Амстердам—Куала-Лумпур йўналиши бўйлаб парвоз қилаётган самолётда 298 нафар йўловчи бўлган. Уларнинг барчаси ҳалок бўлган.
Тергов гуруҳи самолётни уриб туширган «БУК» Россия ҳарбий қисмидан келтирилганини маълум қилган. Россия ТИВ эса тергов хизмати Россия берган маълумотларни эътиборга олмаганини айтган. Россия Мудофаа вазирлиги бирорта ҳам «БУК» Украина чегарасини кесиб ўтмаганини таъкидлаган
Ҳозирда Нидерландлар ва Австралия MH17 ҳалокатида Россияни айблаб, уни жавобгарликка тортишга ваъда берган.
Изоҳ (0)