Ўзбекистон бозорларида энг арзон қўй гўшти 28 минг сўмдан, энг қиммат гуруч 13 минг сўмдан сотилмоқда

Ўзбекистон истеъмолчилар ҳуқуқларини ҳимоя қилиш жамиятлари федерацияси мамлакат бозорларидаги озиқ-овқат, ноозиқ овқат ва қишлоқ хўжалиги маҳсулотларининг 2019 йил 17 февраль ҳолатидаги нархларини тақдим этди, деб ёзади ЎзА.

Мол гўшти28 000 сўмдан 40 000 сўмгача

Ўзбекистон бозорларида 1 килограмм мол гўшти 28 000 сўмдан 40 000 сўмгача бўлган нархларда сотилмоқда.

Энг арзон нархлар бу ҳафтада Қорақалпоғистон Республикаси Нукус шаҳар Марказий деҳқон бозорида, Навоий шаҳри «Саҳоват» МЧЖга қарашли марказий бозори, «Фарҳод» бозори (Тошкент шаҳри)да, Чорсу деҳқон бозори (Тошкент шаҳри), Қўйлиқ деҳқон бозори (Тошкент шаҳри), Юнусобод деҳқон бозори (Тошкент шаҳри)да кузатилди. 1 килограмм мол гўштининг нархи 28 000 сўмдан 40000 сўмгача сотилмоқда.

Энг қиммат Фарғона марказий бозорида – 36 000 – 40 000 сўм.

Қўй гўшти 28 000 сўмдан 42 000 сўмгача 

Пойтахт бозорларида 1 килограмм қўй гўшти 28 000 – 40 000 сўмгача сотилмоқда.

Энг арзон нарх – 1 килограмм қўй гўшти нархи 28 000 – 40 000 сўм.

Энг қиммат нарх Фарғона марказий бозори (Фарғона вилояти)да, Юнусобод деҳқон бозори (Тошкент шаҳри)да – 1 килограмм қўй гўшти 34 000 – 42 000 сўм.

Товуқ гўшти 14 000 сўмдан 20 000 сўмгача 

Энг қиммат нарх Қорақалпоғистон Республикаси Нукус шаҳар Марказий деҳқон бозорида, Фарғона марказий бозорида - 18 000 – 20 000 сўм

Энг арзон нарх «Саҳоват» МЧЖга қарашли марказий бозор (Навоий вилояти), Урганч шаҳар Марказий деҳқон бозори, Жиззах шаҳри марказий деҳқон бозори, Бухоро шаҳар Марказий деҳқон бозорида – 14 000 сўм

Пойтахт бозорларида 1 килограмм товуқ гўштини ўртача 17 000 сўмдан харид қилиш мумкин.

Гуруч 3 500 сўмдан 13 000 сўмгача 

Ўтган ҳафтадаги нархлар сақланиб қолган.

Бу ҳафтада баъзи бозорларда гуруч нархи бироз қимматлашгани кузатилди.

Энг қиммат нарх Жиззах шаҳри марказий деҳқон бозори, Термиз шаҳар Марказий деҳқон бозори (Сурхондарё вилояти) – 5 000 – 13 000 сўм.

Энг арзон Фарҳод деҳқон бозори (Тошкент шаҳри)да – 3 500 – 12 000 сўм

Ўсимлик ёғи 8 000 сўмдан 12 500 сўмгача 

Энг арзон «Фарҳод» деҳқон бозори (Тошкент шаҳри) – 8 000 – 11 500 сўм.

Энг қиммат нархлар «Миробод» деҳқон бозори ва Қўйлиқ деҳқон бозори (Тошкент шаҳри) – 12 500 сўмгача.

Ун 1 500 сўмдан 3 500 сўмгача 

Уннинг нархи баъзи бозорларда арзонлашган.

Энг арзон Термиз шаҳар Марказий деҳқон бозори (Сурхондарё вилояти)да– 1 килограмм 1-навли ун 1 500 сўмдан 2 000 сўмгача.

Энг қиммат нархлар Бухоро шаҳар Марказий деҳқон бозорида, «Саҳоват» МЧЖга қарашли марказий бозори (Навоий вилояти), Наманган шаҳри «Сардоба» деҳқон бозорида – 3 000 – 3 500 сўм.

Шакар 4 200 сўмдан 5 500 сўмгача 

Энг қиммат нарх Қорақалпоғистон Республикаси Нукус шаҳар Марказий деҳқон бозорида, Бухоро шаҳар Марказий деҳқон бозорида, Термиз шаҳар Марказий деҳқон бозори (Сурхондарё вилояти)да, Фарғона марказий бозори (Фарғона вилояти)да – 5 000-5 500 сўм.

Энг арзон нарх Чорсу деҳқон бозори (Тошкент шаҳри)да – 4 200 – 4 500 сўм.

Тухум 400 сўмдан 650 сўмгача 

Мамлакат бозорларида 1 дона товуқ тухумини ўртача 450-650 сўмдан харид қилиш мумкин.

Картошка 1 200 сўмдан 3 000 сўмгача 

Картошканинг нархи баъзи бозорларда арзонлашган.

Энг арзон нарх «Миробод» деҳқон бозори (Тошкент шаҳри)да, Қўйлиқ деҳқон бозори (Тошкент шаҳри)да, Фарҳод деҳқон бозори (Тошкент шаҳри)да – 1 200 сўмдан 2 500 сўмгача.

Энг қиммат нарх «Миробод» деҳқон бозори (Тошкент шаҳри)да 1 килограмм картошка 3 000 сўмгача.

Помидор  5 000 сўмдан 18 000 сўмгача 

Энг арзон нарх Қўйлиқ деҳқон бозори (Тошкент шаҳри)да, «Саҳоват» МЧЖга қарашли марказий бозори (Навоий вилояти), Фарҳод деҳқон бозори (Тошкент шаҳри)да– 5 000 сўмдан 10 000 сўмгача.

Энг қиммат нарх Андижон вилояти Янги шаҳар деҳқон бозорида – 10 000 – 18 000 сўмгача.

Хўжалик совуни 1 500 сўмдан 3 500 сўмгача

Энг арзон нарх Термиз шаҳар Марказий деҳқон бозори (Сурхондарё вилояти)да, Фарғона марказий бозори (Фарғона вилояти)да, Наманган шаҳри «Сардоба» деҳқон бозори – 1 500 сўмдан 2 500 сўмгача.

Энг қиммат нарх Қорақалпоғистон Республикаси Нукус шаҳар Марказий деҳқон бозорида, Бухоро шаҳар Марказий деҳқон бозорида, Жиззах шаҳри марказий деҳқон бозори– 1 500 – 3 500 сўмгача.

Мамлакатнинг аксарият бозорларида сифатли хўжалик совунини 3 000 сўмдан харид қилиш мумкин.