Ички ишлар органлари ходимлари жанговар шайлигини ошириш, фавқулодда вазиятлар юз берганда тўғри харакатланиш ва кечиктириб бўлмайдиган қарорлар қабул қилиш кўникмаларини такомиллаштириш мақсадида Тўрақўрғон ва Учқўрғон туманларида махсус тактик машқлар ўтказилди. Бу ҳақда «Дарё»га Наманган вилоят ИИБ матбуот хизмати маълум қилди.
Дастлаб ИИО маъмурий биносини хавфсизлигини таъминлаш, қуролли ҳужум бўлганда қайтариш ва номаълум шахслар кириб келишининг олдини олиш бўйича шахсий таркиб ҳаракатлари ўрганиб чиқилиб, маъсул раҳбарлар томонидан маъмурий бинони хавфсизлигини таъминлаш юзасидан қарорлар қабул қилиш, куч ва воситаларни бошқариш, ҳамкорликни таъминлаш, аниқ топшириқлар беришда гуруҳ таркиби кўникмаларини такомиллаштириш масалалари кўриб чиқилди.
Сўнг қуролланган жиноятчиларни қўлга олиш ва зарарсизлантириш, гаровга олинган фуқароларни озод этиш бўйича махсус операция ўтказилди. Тадбирларни амалга оширишда ҳаракатлар тактикаси ва мустаҳкамлиги қайта ўрганиб чиқилиб, гуруҳ раҳбарлари ва шахсий таркиб жанговар жойларни эгаллаши ҳамда юклатилган вазифаларни билишлари синовдан ўтказилди.
Машқлар давомида аниқланган хато-камчиликлар муҳокама этилиб, келгусида ички ишлар органлари шахсий таркиби жанговар шайлигини ошириш юзасидан аниқ вазифалар белгиланди.
Изоҳ (0)