Сотувга қўйилган «Ўзбекистон» меҳмонхонаси, 12 млн кишига етадиган Тошкент аҳолиси, 3-қаватдан тушиб кетган 3 ёшли бола ва ҳамшира ҳамда куннинг бошқа муҳим хабарлари

12 февралнинг эътиборга молик хабарлари — «Дарё» дайжестида.

«Ўзбекистон» меҳмонхонаси сотувга қўйилди.

Маълум қилинишича, танлов предметининг бошланғич баҳоси 33 миллион доллар этиб белгиланган

***

2030 йилга бориб Тошкент шаҳри аҳолиси 12 млндан ошиши мумкин.

2030 йилга бориб Тошкент шаҳри аҳолиси 12 миллиондан ошиши мумкин, Ўзбекистоннинг бошқа шаҳарларида эса яна 24 миллион киши яшайди. Марказий Осиё ва Кавказ институти раиси Фредерик Starр ҳамда Calatrava Grace Corporation компанияси ижрочи директори Майкл Селлман Ўзбекистоннинг урбанистик келажагига доир ана шундай тахминнинг билдирди.

***

Тошкентда 3 ёшли бола 3-қават деразасидан пастга тушиб кетди.

Олмазор туманида яшовчи бувисининг уйида бўлган уч ёшли Фарруҳ исмли бола учинчи қаватда жойлашган хонадон балконига дераза токчаси баландлигида қурилган сўридан пастга қулаб кетган. Бола ҳодиса оқибатида тан жароҳатлари олиб, касалхонага ётқизилган.

Шунингдек, Тошкентдаги «Семашко» шифохонасининг ҳамшираси 3-қаватдан сакраб, ўз жонига қасд қилди.

Ушбу тиббий муассасада массажчи бўлиб ишловчи 1983 йилда туғилган Олеся Т. шифохонанинг учинчи қаватидан пастга сакраган. Аёл воқеа жойида ҳалок бўлган.

***

NASA Марснинг 360 даражали панорама суратини намойиш қилди.

Curiosity марсоходи Вера Рубин тизимида 122 та фотосурат олди — фотосуратлардан катта панорама яратилди

***

МИБ энергиядан антиқа равишда фойдаланаётган фуқароларни аниқлади.

Газ ва электр энергиясидан ноқонуний фойдаланаётган баъзи фуқароларнинг «антиқа ихтиро»ларидан Мажбурий ижро бюроси Сирдарё вилоят бошқармаси ва туман-шаҳар бўлимлари ходимларининг кунлик фаолияти натижасида олинган сурат намуналари тақдим қилинди.