Ҳукумат қарори билан 2019 йилда қонун лойиҳаларини ишлаб чиқиш ва Ўзбекистон Республикаси Олий Мажлисининг Қонунчилик палатасига киритиш дастури тасдиқланди. Бу ҳақда Адлия вазирлигининг «Ҳуқуқий ахборот» Telegram-каналида хабар берилди.
Қарорга мувофиқ, Адлия вазирлигига Дастур ижросини мониторинг қилиб бориш вазифаси юкланди.
Дастурга кўра, 2019 йилда жами 38 та қонун лойиҳасининг ишлаб чиқилиши белгиланган бўлиб, шундан 15 таси амалдаги қонун ҳужжатларига ўзгартиш ва қўшимчалар киритиш билан боғлиқ.
Жумладан, дастурга мувофиқ 2019 йилда «Валютани тартибга солиш тўғрисида», «Маҳаллий давлат ҳокимияти тўғрисида», «Мажбурий тиббий суғурта тўғрисида», «Ўзбекистон Республикаси фуқаролиги тўғрисида»ги қонун лойиҳаларини ишлаб чиқиш ва Ҳукуматга киритиш назарда тутилган.
Изоҳ (0)