«Титаник» Қўйлиқда чўкдими? Эринчоқликнинг фойдаси ҳақида. Ижтимоий тармоқлардаги трендлар

Ижтимоий тармоқдаги гап сўзларга қараганда… бўлибди. Нима бўлибди дейсизми? Унда қуйида ўқиб билишингиз мумкин, навбатдаги дайжестимизни бошладик.

Яхши хабарлардан бошлайлик. Мана буни ўқиб шахсан жуда хурсанд бўлдим:

Умар Авазов

Бош вазир Абдулла Арипов масъул ва юқори лавозимларга «Буюк келажак»нинг 20 нафар халқаро эксперти билан 6-7 февраль кунлари шахсан суҳбат ўтказиб, уларни ўз соҳалари бўйича юқори лавозимларни таклиф этди. Бу билан хорижда яшаётган ватандошларни тайинлаш амалиётини кенг жорий этиш бошланди.

Facebook фойдаланувчиси Нурбек Алимов кўпчилик эътибор бермаган жиҳатлар ҳақида ўз услубида таҳлил қилиб берди:

Нурбек Алимов

Дангасалик ёки эринчоқликдан ҳеч қачон қўрқма. Дангасалик минде опқараганда прогресснинг мотори ҳисобланади. Пиёда юраверишдан чарчаган қадимги аждодимиз ғилдирак ва аравани яратганига шубҳам йўқ. Кейин, микроволновка, кир ювиш машинаси, идиш ювадиган машиналар ва жуда ҳам кўп нарсалар инсонларнинг оғирини енгил қилиш шиори остида, аслида ғирт дангаса иплослар томонидан ўйлаб топилган деса ҳам бўлади.

Мисол учун, сен кун бўйи компьютерда веб дизайн яратиш ёки сммъларни ўрганяпсан, буни кўрган ойинг «тур Эшмат, компьютер ўйнаб ётаверасанми? Дугонамнинг ўғли Тошматни қара, қанақа меҳнаткаш бола, ҳар куни вагон тушириб, уйига пул топиб келади...» Ҳммм, Тошмат... Тошмат аслида вокзал биносидаги шинам хоналардан бирида комютер «ўйнаб», тишини ковлаб ўтирган Ғишмат учун ишлаяпти. Уни бой қиляпти. Юклар Ғишматники... Жисмоний меҳнат билан шуғулланувчилар ақлий меҳнат билан шуғулланувчиларнигина бой қилади холос. Тошмат вагон тушириб топган пулига икки дунёда саёҳат қилмайди, нари борса тирикчилиги ўтади, кейинчалик бел оғриғига, дори-дармонга сарфлайди... Дангасаликнинг турлари кўп, мен мисол уйимдаги газонларни ўришга ҳам эринаман, лекин ҳафтада икки мартта поездда 12 соатлаб йўл юриб, бир дунё маълумотни анализ қилиш ва тахминий иқтисодий прогнозлар қилишга эринмайман. Кийимимни вешалкага илиб қўйишга эринаман, лекин 10 километр пиёда просто так юришга эринмайман. Ҳеч қачон ўйланишга, фикр қилишга эринма. Спорт билан шуғулланишга эринма. Агар ўз йўлингни топиб, яхши пул топсанг сен каби ўйламайдиган Тошматга пул бериб ўрдиришинг мумкин газонларни... Дангасаларнинг яна бир устун тарафи уларга айтилган ишни тез ва сифатли бажаришларида. Тезлиги шу ишдан тезроқ қутулиш йўли бўлса, сифатлилиги эса яна бошқатдан шу ишни қилишдан қўрқиш.

Аёллар, бизнинг жамиятимиздагилари айниқса, бу постни ўкиб олиб, эрнинг келишига овқат қилишга эриниб юрманг. Натижасига мен жавобгарликни зиммамга олмайман.) Севимли инсони учун одам ўзини ёқмаган ёки қилишни истамаган нарсасига ҳам мажбурлаши керак. Бошқа ҳеч нарса ёқмаган ишни қилишга ўзингни мажбурлашингга арзимайди.

Китоб ўқишга, фикр қилишга, янгиликлар яратишга эринар экансан, унда иложи йўқ, бир вагон ун ёки шакар сени кутяпти... Давай.

Балки Ортиқов Суннатуллоҳнинг фикрига қўшилмассиз, лекин умумий маънода яхши таҳлил қилинган пост сифатида келтирмоқчимиз:

Ортиқов Суннатуллоҳ

Электр энергия таъминотимизга юқоридан бир қараб кўрдим.

Энергия ҳар қандай келажакни буюк қилиши мумкин. Лекин ресурсларимиздан фақат хорижий давлатлар фойдаланишар экан, бизга бу орзу бўлиб қолаверади.

«Ўзбекэнерго АЖ»ни танқид қиламиз, аммо уларга ҳам кимдир топшириқни шундай бермаса, сўкиш эшитиш кимга керак?

Ҳиндистонга чиқиш йўлимиз бўлганда ривожланиш концепциямизни 400 бет эмас, 5-6 бетда ҳам баён қилиб берса бўларди. Хитойга нисбатан Ҳиндистон яхши ва ишончлироқ ҳамкор.

Билишимча, жуда кўп ресурс манбалари импорт бўларкан. Олтин импорти бўйича 4-ўринда турар экан. Ўзбекистон ҳам шу соҳада олдинроқ, фақат акси.

Яқин келажакда Хитой ва Ҳиндистон сунъий интеллект, интелектуал салоҳият, космосни тадқиқ қилиш каби соҳалар бўйича юқори чўққиларни эгаллайди. Бизнинг ёшларимиз эса ўтин излаш ва Россияга кетиш билан овора бўлиб юраверса ажаб эмас...

Барчасини ўзгартириш мумкин...

Фируз Аллаев

Бугун бир акамиз Google Maps’да Зангиотадаги ҳовлисини икки соат яқинлаштириб ўзига ўзи гапириб турганини кўрдим. Нимага икки соатдан бери уйингизга тепадан спутникдан тикилиб турибсиз десам, деворни эгри тортибмиз дейди))

Суннатилла Алиқулов

Собиқ Иттифоқ даврида мактабгача таълим муассасаларида (боғча) тушлик вақтида болаларни ташқарида совуқда ухлатишган экан. Ёш бола тоза ҳавода яхши ухлайди деган фикр илгари сурилгани учун. Москва, 1958 йил.

СССРдан қолган яна бир одат, эрталабда совуқ сувга душ қабул қилиш. Бир қариндошимиз шу одатини 10-15 йил олдин роса мақтаниб «мен бу одатни армияда ўрганганман» дерди. Биз учун у қаҳрамон эди. Бечоранинг ҳозир овоз пардалари яхши ишламайди. Бўйни ҳам қотиб қолади. Қисқаси, организмлари анча ишдан чиққан. У энди биз учун қаҳрамон эмас.

Шифокор Шавкатжон Тошматов айрим хунук ҳолатлардан тўйиб кетган шекилли, дардини яширмай, очиқчасига, аччиқ гаплар билан айтилган пост қўйибди. Албатта, одамларимизда тиббий маданят кучайса, кўпгина тушунмовчиликлар бўлмасди.

ШАВKАТЖОН ТАШМАТОВ

Дўхтирларнинг устидан порталга ёзадиганларга айтиб қўяй: мабодо ярим кечаси дардингиз безовта қилса, уйимга келмасдан, ТЕЗ ЁРДАМ чақиринг!

Шунда ҳаммаси қонуний бўлади. Болангизнинг дарди бошланганига уч кун бўлган, сиз бўлса энди опкеласиз. Шу пайтгача нима қилдингиз? жавоб тайёр: «Қайнонам у деди... эрим бу деди... далада экинимиз бор эди, ёмғирда қопкетмасин дедик...» Шуям гапми, бола-чи, бола?

Аҳволи оғир, ётиб даволанасан деса кўз ёш қилишади «шароитим йўқ» деб!

Худди уйида шароити бордай!

Дориларни ёзиб берсангиз, «хотинингиздан қатнаб оптурўрамиз дейишади (худди дўхтир хотинининг уйида бошқа иши йўқдай).

Поликлиникага бормийди, уйга икки кунда келсанг икки кун кутишади. Борса, иши қопкетади ёки Damas’га йўлкира қилиш керак! Унгача ўзларича дўхтирлик қилишади. Кўчага чиқиб кетсанг, қарғабам қўйишади: «Уйда ўтирса бўлмийдими, икки кундан бери кепкетяппиз! Одамнинг иши тушса булар ўзи шунақа, порталга ёзворардиму»миш...

Бир ҳафта ҳали у домлага, ҳали бу домлага ўқитиб, охири дардингиз кучайганда, иложсизликдан ўлар ҳолатда келволиб тўполон қилишингиз!..

Ҳаммаям сизга ўхшаган одам. Поликлиникага бориб, қабулга ёзилиб навбатингиз келишини кутинг!

Яна битта гап: ҳамма дориям шифохонада текинга берилавермайди, сизлар ўйлаганчалик врач дорини яшириб, босиб ўтиргани йўқ. Агар текин бериладиган дорилар рўйхатини билмоқчи бўлсангиз, главврач билан старшийдан сўраб билволинглар, ўшалар ҳал қилади (агар ҳал қилворишмаган бўлса).

Дежурдан чарчаб келган одамни ярим кечаси безовта қилиб, ҳожатингизни чиқарганини эвазига беш-ўн сўм берадиган пулингизни гапиришни ўрнига, яхшиси иш вақтида (ишингизни ташлаб) қабулига боринг, уйигамас! Эртага вақтли туриб ишга бориш керак, қишнинг куни касал кўп ва яна навбатчилик...

Бир ижтимоий тармоқ фойдаланувчиси боғча болаларига ўргатилаётган ғалати шеър ҳақида пост қилди:

Шоира Исакова

5 ёшли болага боғчада берилган шеърни биир ўқиб кўринг, балки мен тушунмагандирман!

‎Мумтоз Суҳайл‎

Палонча аканинг эмас, оддий фуқароларнинг фарзандини шунчаки операцияга кузатишмоқда. Болажон(бемор)нинг руҳияти муҳимлигини тушунишади балки.

Испания касалхоналаридан бири.

Жиддий постлар қаторида, ўткир ҳазилларнинг ҳам кети узилмади. «Водители Ташкента» гуруҳида қўйилган пост:

Telegram-каналларда нималар ёзилмоқда?

Шанба куни Алишер Навоийнинг таваллуд кунига бағишлаб «Асанов формати» канали админи, журналист Элдор Асанов «Алишер Навоий ўзбекми шоири бўлганми?» деган пост ёзди. Тавсия қиламиз, бафуржа ўқийдган мавзу.

«Xushnudbek.uz» ҳам ушбу санага атаб пост қўйган.

«Troll.uz» канали эса яқинда тарқалган бир таклифга муносабатини билдириб пост ёзибди:

Twitter’даги сара постлар билан бўлишамиз:

Эр хотинига:
- Сен армияга бориб кўрсанг эди - биларданг эркакларга қанчалик қийинлигини - деса
Хотини:
- Сиз туғруқхонага бориб кўрсангиз эди, қочиб кетардингиз ўша армиянггизга...!!

— iBurhone (@Hazilchi) February 11, 2019

https://twitter.com/sds_uz/status/1094815854196416513

Ижтимоий тармоқда ҳозирча шунақа гаплар, ҳафта ўртасида кейинги сонимизни ўтказиб юборманг, кўришгунча!

Исроил Тиллабоев тайёрлади.