7 февраль куни Россиянинг «Атлант» компанияси қошида Челябинск шаҳрида Ўзбекистон республика товар хом ашё биржасининг янги хорижий савдо майдончаси ўз ишини бошлади. Бу ҳақда Биржа матбуот хизмати хабар берди.
РТХБ» матбуот хизмати" data-action="zoom" class="border lazyload" />
Россиядаги Ўзбекистон биржасининг биринчи савдо майдончаси Россия-Ўзбекистон ишбилармонлар кенгаши кўмаги остида ташкил этилди.
«ЎзРTХБ» АЖ савдо майдончасининг тақдимоти Челябинск шаҳрида ўтказилган «Бизнес-2019: Челябинск вилояти тадбиркорларини қўллаб-қувватлаш тизимида янгилик» анжумани доирасида бўлиб ўтди.
Тадбирда Россия Федерацияси бизнес-жамиятининг 400 га яқин вакиллари иштирок этди.
Айни вақтда Биржа савдоларининг электрон тизимига уланган янги савдо майдончада биржа савдолари ва «ЎзРTХБ» АЖ интернет савдоларида иштирок этиш учун хорижий мижозлардан буюртмалар қабул қилинмоқда.
Ўзбекистон ва Россия тадбиркорлари «ЎзРTХБ» АЖ электрон савдо тизими орқали нафақат стандартлаштирилган биржа товарлари, балки кенг турдаги бошқа маҳсулотларни ҳам эркин сотиш ёки сотиб олиш имкониятига эга бўлди.
«ЎзРTХБ» АЖ савдо майдончаси орқали савдо қилишнинг асосий устунликлари савдо ва ҳисоб-китобларнинг шаффофлиги, ишончли товар ишлаб чиқарувчилар билан бевосита алоқа ўрнатиш, вақт ва маблағ тежамкорлилиги, шунингдек тўлов ва товарни етказиб беришнинг кафолатланганлиги ҳисобланади.
Эслатиб ўтамиз, «ЎзРTХБ» АЖнинг халқаро савдо тармоғи шунингдек, Қозоғистон, Беларусь ва Хитойда жойлашган савдо майдончаларини ҳам қамраб олади.
Изоҳ (0)