10 февралдан 11 февралга ўтар кечаси нуфузли «Грэмми» мукофотини топшириш маросими бўлиб ўтди, деб хабар берди «Лига Новости».
Ушбу мукофот тақдирлаш маросими 61 марта ўтказилди.
Мукофот 84 та номинация бўйича топширилди. «Йилнинг энг яхши альбоми», «Йил қўшиғи», «Йил ижрочиси» каби номинациялар энг муҳим йўналишлар ҳисобланади.
«Грэмми—2019»га 2017 йилнинг 1 октябридан 2018 йилнинг 30 сентябрига қадар эфирларда янграган тароналар тақдим этилди.
Тақдирлаш маросимини RnB ижрочи Алиша Киз олиб борди.
Қуйида мукофотни қўлга киритган хонандалар ҳақида маълумотлар келтирилади:
Энг яхши ёш ижрочи—Дуа Липа.
«Йил қўшиғи» — This Is America – Дональд Гловер (Childish Gambino). Гловер, шунингдек «энг яхши аудиоёзув», «энг яхши клип» ва «энг яхши реп ижро» номинацияларида ҳам ғолиб бўлди. Хонанда тақдирлаш маросимига келмаган.
«Йил альбоми» — Кейси Масгрейвснинг Golden Hour альбоми.
«Йилнинг рок услубидаги энг яхши қўшиғи» — Masseduction - St. Vincent.
«Кино ва телевидение учун энг яхши қўшиқ» — Леди Гага ва Бредли Купернинг Shallow қўшиғи.
«Йил продюсери» — Фарелл Уильямс.
Изоҳ (0)