Ўзбекистон матбуот ва ахборот агентлигида «Миллий эстрада санъатининг аҳволи, айниқса, ёшлар маънавиятининг юксалтиришдаги ўрни ва аҳамияти» мавзусида матбуот анжумани бўлиб ўтди. Тадбирда «Ўзбекконцерт» раҳбарияти, соҳа вакиллари, ОАВ ходимлари қатори «Дарё» мухбири Феруз Муҳаммад ҳам иштирок этди.
Матбуот анжуманида «Ўзбекконцерт» давлат муассасаси директори Одилжон Абдуқаҳҳоров жамоатчилик томонидан кескин танқидларга учраётган кулги жамоалари ҳақида гапирди.
Бугунги кунда ‘Bravo’ жамоасини кўпчилик танқид қилмоқда. Яна бир тарафини ҳам айтишимиз керакки, бугунги кунда мана-ман деган эстрада хонандаси, халқ артистлари концерт берадиган бўлса, билетларини ташкилотларга илтимос қилиб, олиб боришга мажбур бўлади. Лекин ‘Bravo’, ‘Миллион’ ёки «Дизайн» жамоалари 10 кун концерт берса ҳам, 10 кун ҳам бўш жой қолмайди.Биз булардан яхши мақсадда фойдаланишимиз ҳам мумкин. Улар сценарийдан чиқиб кетгани учун чора кўрамиз. Булар, Худога шукр экстеримизмни тарғиб қилмаяпти ёки ёмон иллатларни тарғиб қилмаяпти. Буларга ёшлар эргашаётган бўлса, улардан социал масалаларимизни, муаммоларимизни кўтариб чиқишда фойдалансак бўлади.
‘Bravo’ жамоасининг охирги концерт дастурида ҳақиқатдан ҳам оила даврасида кўриб бўлмайдиган даражада қўпол ҳазиллар бор. Улар бизга концерт дастурининг сценарийсини топширганларида, айнан концертда қўйилган баъзи ҳазиллар йўқ эди. Биз ҳаттоки Маънавият маркази билан ҳамкорлида кенгаш фаолияти ҳам йўлга қўйганмиз. Вакилларимиз томонидан эътироз билдирилиб, сценарийдан олиб ташланганда ҳам концертнинг биринчи кунида улар айнан ўша олиб ташлаш тайинланган ҳазиллардан фойдаланишган.
Ўша вақтда жамоа аъзолари ‘Ўзбекконцерт’ ходимлари томонидан чақирилиб, расман огоҳлантирилди. Ўша ҳазиллар концертнинг қолган кунларида ишлатилмаган бўлса ҳам, дискда айнан биринчи кунидаги маън қилинган ҳазиллар чиқиб кетди.
Бугунги кунда ‘Ўзбекконцерт’ томонидан ўрганиш ишлари олиб борилмоқда. Ўрганиш қайси маънодаки, комиссия томонидан ‘Bravo’ жамоасининг концерт дастурида қайси ҳолатларда сценарий бузиш ҳолатлари аниқланган. Тўғрисини айтиш керак, сценарий ҳақиқатдан ҳам бузилган.
Навбатдаги кенгаш йиғилишида ‘Bravo’ жамоасининг лицензияси фаолиятини тугатиш ёки давом эттириш масаласини кўрмоқчимиз. Аниқроғи, февраль ойининг охирида бўлиб ўтадиган кенгаш йиғилишида, кенгаш томонидан асосан ‘Bravo’ жамоасининг лицензия фаолиятини тўхтатиш ёки давом эттириш масаласи кўриб чиқилади.
Одилжон Абдуқаҳҳоров, «Ўзбекконцерт» давлат муассасаси директори
Изоҳ (0)