АҚШ қўллаб-қувватловчи Сурия демократик кучлари ИШИД террорчиларини шарқий Суриянинг охирги ҳудудидан чиқариб юбориш учун «якуний жанг» бошланганлигини маълум қилди. Бу ҳақда AFP хабар бермоқда, деб ёзади «Корреспондент.net».
Турли ҳарбий ҳужум операциялари натижасида террорчилар эндиликда шарқий Суриянинг фақат бир ҳудуди Дейр-Аз-Зорни назорат қилмоқда.
Сурия демократик кучлари жангчилари фуқароларнинг қочишига имкон яратиш учун тахминан бир ҳафтага операцияни тўхтатган ва 9 февраль, шанба куни ҳужум янгиланганлигини эълон қилган эди.
Сурия кучлари маълумотларига кўра, ҳудудда ҳамон 600 жангари бўлиши мумкин. Улардан аксарияти хорижликлардир.
Сурия демократик кучлари Дейр-Аз-Зорда ИШИДга қарши операцияни 2018 йилнинг сентябрида бошлаган эди. Бу вақт давомида 1 200 дан ортиқ жангари, демократик кучларнинг 670 дан ортиқ жангчиси ва 400 га яқин фуқаро ҳалок бўлган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)