Бандлик ва меҳнат муносабатлари вазирлиги Россияда ҳалок бўлган икки нафар ўзбекистонликнинг жасадини олиб келишда ёрдам беради. Бу ҳақда вазирлик маълумотларига таяниб, «Podrobno.uz» хабар берди.
6 февраль куни Санкт-Петербургдаги «Шимолий завод»да 28 ёшли Алишер Усаров баландликдан қулаб, ҳалок бўлган. Воқеа юзасидан текширув ишлари олиб борилаётган бўлиб, жиноий иш қўзғатилади.
Айни пайтда марҳумнинг жасади суд-тиббиёт экспертизаси бюросида сақламоқда.
Шунингдек, 6 февраль куни 20 ёшли Толибжон Эсонов Ленинград вилоятининг Мурино шаҳрида қурилаётган турар жой биносининг 14-қаватидан тушиб кетган.
Ушбу воқеа юзасидан ҳозирча жиноий иш қўзғатилмаган. Марҳумнинг жасади Токсово шаҳридаги моргда сақланмоқда. Текширув ишлари олиб борилмоқда.
«Ҳалок бўлганларнинг жасадини Ўзбекистонга юбориш учун барча тайёргарлик ишлари амалга оширилди. Вазирлик ходимлари уларни олиб кетишга рухсат берилишини кутмоқда», — дейилади хабарда.
Изоҳ (0)