8 февраль куни Қашқадарёнинг шаҳар ва туманларидаги Халқ қабулхоналарига 15 та Cobalt русумли замонавий хизмат автомобиллари берилди. Бу ҳақда вилоят ҳокимлигининг матбуот хизмати раҳбари Бекзод Маматқулов хабар бермоқда.
Матбуот хизмати хабарига кўра, хизмат автомобилларини Президент номидан вилоят ҳокими Зафар Рўзиев, вилоят Халқ қабулхонаси мудири Абдуҳалим Холмаҳматов, вилоят прокурори Ботир Юсупов ва ички ишлар бошқармаси бошлиғи Дилшод Турсунбаевлар топширган.
Тадбир давомида Президентнинг жорий йил 17 январдаги «Аҳоли муаммолари билан ишлаш тизимини янада такомиллаштириш чора-тадбирлари тўғрисида»ги фармони билан 2019 йил 1 февралдан Халқ қабулхоналари муаммоларни одатдаги тартибга қўшимча тарзда уйма-уй юриш орқали аниқлаши ва ҳал этиши белгилангани, соҳа ходимлари учун яратилаётган шароитлар фаолият самарадорлигини янада ошириши, айниқса, чекка қишлоқларга бориш ва у ерда истиқомат қилаётган аҳоли муаммоларини ҳал этиш имкониятини кенгайтириши қайд этилди.
Изоҳ (0)