Бразилиянинг собиқ президенти Луис Инасио Лула да Силва коррупция ва «пул ювиш»да айбланиб, 12 йил 11 ой муддатга озодликдан маҳрум этилди. Бу ҳақда Meduza хабар бермоқда.
Суднинг аниқлашича, Лула да Силва тижорат ташкилотларига баъзи имтиёзлар бериш эвазига Сан-Паулудан уй ва ер майдонига эга бўлган. Ҳужжатларга кўра, собиқ президентга совға қилинган уйга унинг яқинлари эгалик қилган.
Лула да Силва 2016 йили ҳам шундай айблов бўйича 9,5 йилга озодликдан маҳрум этилган, кейинроқ Олий суд унинг жазо муддатини 12 йил 1 ойгача узайтирган эди.
Умумий ҳисобда Лула да Силвага нисбатан жами еттита жиноят иши қўзғатилган. Ҳозирча у ушбу ишларнинг фақат биттаси бўйича оқланган.
Маълумот учун, Лула да Силва 2003—2011 йилларда Бразилияга президентлик қилган.
Изоҳ (0)