Тожикистон Сарез кўлини мониторинг қилиш қурилмалари учун 3,5 миллион доллар йўналтиради. Бу ҳақда Тожикистон ҳукумати ҳузуридаги Фавқулодда вазиятлар кўмитаси раиси Рустам Назарзодага таяниб, Sputnik маълум қилди.
Қурилмаларни тўлиқ янгилаш Осиё Тараққиёт банки лойиҳаси доирасида амалга оширилади.
«Ушбу лойиҳада кўл ҳудуди атрофида тун-у кун навбатчилик олиб бораётган ФВВ ходимлари учун зарур шарт-шароит яратиш кўзда тутилмоқда», — деб аниқлик киритди Назарзода.
Янги ҳар кунлик мониторинг техникаси Усой тўғонида пайдо бўлади.
Шу билан бирга, ушбу лойиҳада тўғон ёрилиши ҳолатида аҳолини олдиндан огоҳлантириш тизимини жорий этиш режалаштирилган.
Сўнгги маълумотларга кўра, ҳозир Сарез кўлида вазият барқарор.
Изоҳ (0)