1 февраль, жума куни бўлиб ўтган Осиё Кубоги—2019 мусобақаси финалида Қатар терма жамоаси ҳужумчиси Алмуоз Али японлар дарвозасига битта гол уришга эришди.
Шу вақтга қадар ҳеч ким 1996 йили Эронлик футболчи Али Даи (8 та гол) ўрнатган рекордни янгилай олмаганди. Алмуоз Али эса БАА мезбонлик қилган Осиё Кубогида жами 9 та гол уриб, мусобақа рекордини янгилади ва тарихга кирди.
«Ал-Дуҳайл» клубининг 22 ёшли ҳужумчиси мусобақа тўпурари бўлиши билан бирга энг яхши ўйинчи дея эътироф ҳам этилди.
Осиё Кубоги мусобақалари тарихидаги тўпурарлар рўйхати:
- Алмуоз Али (Қатар) — 2019 йил 9 та гол
- Али Даи (Эрон) — 1996 йил 8 та гол
- Беҳташ Фариба (Эрон) — 1980 йил 7 та гол
- Чой Сун Ҳо (Жанубий Корея) – 1980 йил 7 та гол.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)