30 январь куни россиялик сенатор Рауф Арашуков Федерация кенгаши мажлислар залида ҳибсга олинди. Бу ҳақда Meduza хабар бермоқда.
Сенаторнинг отаси Раул Арашуков ҳам ўша куннинг ўзида «Газпром»нинг Санкт-Петербургдаги офисларидан бирида қўлга олинди.
Россия Тергов қўмитасига кўра, Рауф Арашуков «Адиге-Хасэ» ёшлар ҳаракати фаоли Аслан Жуков ва Қорачой-Черкесс республикаси собиқ раҳбарининг маслаҳатчиси Фрал Шебзуховнинг ўлдирилишига алоқадор бўлиши мумкин.
Унинг отаси ўта йирик миқдорда фирибгарликда гумон қилинмоқда. Тергов Раул Арашуковни «Газпром» компаниясидан 30 миллиард рублдан ортиқроқ суммадаги табиий газ ўғирланишида гумон қилмоқда.
Изоҳ (0)