Америкада рекорд совуқ об-ҳаво туфайли беш киши ҳалок бўлди

30 январь куни содир бўлган кучли қор бўрони камида беш кишининг умрига зомин бўлган, дея хабар беради «Forum Daily».

Прогнозларга кўра, об-ҳаво сўнгги ўн йилликдаги энг совуғи бўлиши мумкин.

Метеорологлар совуқ ва хавфли шамоллар штатларнинг шарқий қирғоқлари бўйлаб тарқалишидан огоҳлантирмоқда.

Рекорд даражадаги минимал ҳарорат қайд этилиши мумкин. Ўрта ғарбда ҳаво ҳарорати Фаренгейт бўйича -20 даражага тушиши мумкин (Цельсий бўйича -28 даража).

Чикаго шаҳридаги О-Хара халқаро аэропортида 1000 га яқин рейслар, ушбу минтақадаги яна бир аэропортда 320 та рейс бекор қилинган. Чикагога келаётган ва ундан кетаётган поездлар ҳаракати ҳам тўхтатилган.

Синоптикларнинг маълумотларига кўра, паст ҳарорат 75 миллион америкалик яшайдиган АҚШнинг шарқий ва ўрта ғарбий қисмини ҳам қамраб олади.

Кўп шаҳарларда бу 1994 йилдан буён қайд этилган рекорд.