Мадуро Трамп уни ўлдиришни буюрганини маълум қилди

Венесуэла президенти Николас Мадуро Америка президенти Дональд Трамп уни ўлдиришни буюрганига шубҳа қилмайди, дея хабар беради «Ведомости».

Венесуэла президентининг сўзларига кўра, бундай буйруқни Трамп ҳукуматга ва Колумбия мафиясига берган. «Агар менга бирор нарса бўлса бунинг учун Дональд Трамп ва Колумбия президенти Иван Дуке жавобгар бўлади», — дейди Мадуро.

Шу билан бирга унинг тақдири яратганнинг қўлида эканлигини, уни Венесуэла халқи ҳимоя қилишини, шунингдек мамлакатда разведка хизмати жуда яхши ишлашини қайд этган.

Бундан ташқари Мадуро Трамп билан исталган жойда шахсан учрашиб, исталган масалани ҳал қилиши мумкинлигини айтган.

Мадуро Россия президенти Владимир Путинга доимий ёрдам учун миннатдорлик билдирган.

У Венесуэла албатта Россия ва Хитой олдида қарзини узишини, мамлакатнинг иқтисодий ривожида ушбу мамлакатларнинг улкан хизматини қайд этган.