29 январь, сешанба куни футбол бўйича Осиё Кубоги—2019 мусобақасининг 1/2 финал баҳслари доирасида иккинчи учрашув ниҳоясига етди.
Фото: Twitter
Унда Қатар терма жамоаси мусобақа мезбони БАА термасига қарши майдонга тушди ва йирик 4:0 ҳисобида ғалаба қозонди.
1-бўлимнинг 22-дақиқасида Буалем Ҳукҳи ҳисобни очган бўлса, 36-дақиқага келиб Алмуаз Али ҳисобни 2:0 кўринишига олиб келди.
Ўйиннинг асосий вақти тугашига 9 дақиқа қолганда Ҳассан Ал-Ҳайдос жамоасининг 3-голини киритиб, ҳисобни йириклаштирди. Учала голга ҳам Акром Афиф ассистентлик қилди. Ўйиннинг 90+3-дақиқасида Ҳамид Исмоил Карим Боудиаф узатган тўпни дарвозага жойлаб қўйди ва баҳсга якун ясади.
Шу тариқа Қатар терма жамоаси БАА дарвозасига жавобсиз 4 та гол урди ва мусобақанинг финалига йўлланмани қўлга киритди. Энди қатарликлар финалда Япония билан мусобақа чемпионлиги учун кураш олиб боради.
Эслатиб ўтамиз, Япония Эрон термаси дарвозасига жавобсиз 3 та тўп киритиб, мусобақанинг финалига йўл олганди.
Осиё Кубоги—2019
1/2 финал баҳслари
29 январь, сешанба
Қатар—БАА 4:0
Голлар: 1:0 — 22 Ҳукҳи, 2:0 — 36 Алмуаз Али, 3:0 — 81 Ал-Ҳайдос, 4:0 — 90 Ҳамид Исмоил.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
