NASA зонди 1,5 км масофадан Бенну астероидининг ажойиб тасвирларини олди
NASAнинг OSIRIS-REx космик кемаси энг тор орбита бўйлаб космик кемалар орасида ҳаракатланмоқда, дея хабар беради «AstroNews».
Ушбу қурилма Ерга космик жисмни батафсил кўрсатиб берувчи бир нечта ажойиб фотосуратлар юборган.
Ушбу космик кема 31 декабрь куни Бенну деб номланган астероид олдига орбитага чиққан. Бу у қадар оддий иш эмас эди, сабаби Бенну орбита ускунаси ёрдамида ўрганилган энг кичик космик жисм саналади. Бироқ бу хавфли манёвр шунга арзирди.
OSIRIS-REx кемаси космик жисм юзасидан тахминан 1,5 километр баландликда ҳаракатланиб, астероиднинг тошли юзасининг ажойиб кўринишини қайд этмоқда.
Бенну астероидининг юзасида жуда кўп миқдордаги носимметрикликлар борлигининг сабаби астероид жуда катта ҳажмдаги кичик тошларнинг тўқнашуви натижасида шаклланган.
Ушбу мақоладаги биринчи суратда кўрсатилган иккита тасвир Навигация мақсадларида ишлатилган OSIRIS-REx миссиясининг асосий камераси бўлган НавCам номли ускунаси ёрдамида олинган. 17 январь куни олинган ушбу тасвирлар Бенну астероидининг жанубий қутбини намоён этмоқда.
